Wala sang iban nga nagtudlo sa 25 anyos nga fired dancer nga mismo siya lamang ang nagtuon kun paano magsaot kaupod ang kalayo.
Sa interview sang Bombo Radyo kay Erben Latoza Boyayot sang Kabankalan City, Grade 8 sang una sini nga makita ang fire dancing kag sang Grdae 9 na ini, amat-amat niya ini gintun-an.
Bangod indi pa sadtp uso ang cellphone, nagahulam lamang ini sang cellphone sa iya mga classmate kag liwat-liwat nga ginalantaw ang video sang fire dancing tubtob na nga nakahibalo na ini.
Nag amat-amat lamang ini tuon halin sa nagkalain-lain nga mga props, style kag technique.
Mabudlay man para sa iya mangin isa ka fire dancer, bangod nga nagakapaso man ini kun kaisa.
Sa karun madamo naman sang naga-invite sa iya para magperform kaangay na lamang sang Bohol, Cebu kag Iloilo.
