25 ka mga elected officials sa bilog nga Western Visayas ang nanugid sa kapulisan nga may nabaton sila nga threat ukon pamahog sa ila nga kabuhi.
Sa interview sang Bombo Radyo kay Police Regional Office 6 Director Police Brigadier General Leo Francisco, gikan sa 35,000 ka mga elected officials sa Western Visayas, 25 ka mga elected officials ang na-validate kag napamatud-an nga nakabaton sang pamahog sa ila kabuhi.
Suno diri, nagkoordinar na ini sa mga opisyales agud nga mahatagan sang tikang ang ila seguridad.
Ginmanduan man sini ang hepe sang tagsa ka police station nga dapat may yara sang security personnel nga naka-standby agud magbantay.
Indi man magnubo sa duha ka personal security detail gikan sa Philipine National Police ang ihatag sa 25 ka elected officials.
Pahayag ni Francisco, masami nga nagakabaton sang mga opisyales ang pagpamahog antes, samtang nagakatabo kag matapos ang eleksyon paagi sa mga text messages ukon impormasyon.
Gani nagpanawagan ini sa tanan nga elected officlas nga mag-update kag magkoordinar sa kapulisan para sa ila nga seguridad.
