25 patay sa paglupok sang fireworks factory sa India

Nagdangat na sa 25 ang napatay samtang apat naman ang pilason matapos nga naglupok ang isa ka fireworks factory sa Tamil Nadu, India.

Natabo ang insidente sa Vanaja Fireworks Industry nga dapat kuntani ang sirado na apang may yara pa sang 50 ka mga trabahador sa sulod.

Nabudlayan man ang mga rescuers sa pagresponde bangud may yara pa sang mga nagalinupok samtang yara sila sa sulod.

Sa subong, padayon pa ang imbestigasyon sang mga otoridad sa gintunaan sang paglupok.