Nagpadulong si Senator Ramon “Bong” Revilla Jr. sa ciudad sang Bacolod kag sa probinsya sang Negros Occidental kahapon.
Ini agud nga magpanagtag sang Assistance to Individuals in Crisis Situation (AICS) payout sang Departmet of Social Welfare and Development (DSWD) kaupod sang ciudad sang Bacolod sa pagpanguna ni Bacolod City Mayor Alfredo “Albee” Benitez.
Ang distribution sang AICS ang ginpatigayon sa Gym sang University of Negros Occidental-Recoletos (UNO-R) sa ciudad sang Bacolod.
Kaupod sang senador kag sang alkade sang Bacolod City sa pagpanagtag sang AICS Councilor Thaddy Sayson, Israel Salanga, Cindy Rojas, Em Ang, Jason Villarosa, Kalaw Puentevella, Celia Flor, and Pao Sy, Cong. Greg Gasataya, Bobby Rojas, Caesar Distrito, Homer Bais, Cong. Atty. Dino Yulo, Dindo Ramos, Special Assistant to the Mayor Engr. Mae Cuaycong, kag mga tiglawas sang DSWD Region 6.
2,500 naman ka mga individual ang nakabaton sang P2000 kada isa.
Suno kay Revilla, nagdonate ini sang P10 million para sa pagpatukod sang Bacolod Yuhum Foundation building kun sa diin ginlantaw man sini kahapon.
Suno sa senador nabatian sini nga nagakinahanglan pa sang dugang nga P15 million agud nga mahuman na ini kag nagpahayag man ini nga budget season na Senado gani tinguhaan niya ini nga mahatagan paagi sa 2025 budget.
Pila sa mga hagna nga gindihon sang Senador amo ang Senate Bill 11909 or known as the “Permanent Validity of the Certificates of Live Birth, Death, and Marriage Act” and the Senate Bill No. 11983 or known as the “New Philippine Passport Act” kag ang “Anti-No Permit, No Exam Act,” nga isa sa na sa karun ka layi.
