Isa ka 26-anyos nga babayi ang nangin sentro sang atensyon matapos halos indi na makilal-an bangud sa dako nga pagbag-o sa iya nga guya tuga sang paggamit sang mga illegal kag uncertified nga cosmetic products.
Santo sa report, nag-umpisa si Elva sa pag-inject sang fat-dissolving products kag silicone nga nabakal online agud bag-uhon ang iya nga itsura.
Sa ulihi, naglala ang iya nga kondisyon sa diin halos indi na sini mamuklat ang iya mga mata bangud nagahubag, tuman man nga naghabok ang iya nga bibig, kag wala na sang proporsyon ang guya sini bangud sa masami nga paggamit sang mga nasambit nga produkto samtang wala sang may nagagiya nga eksperto.
Nagpaandam ang mga doktor nga mahimo magresulta sa seryoso nga impeksyon kag katalagman ang paggamit sang mga indi aprubado nga cosmetic injections.
Ginapatihan man sang isa ka psychologist nga posible naga-eksperyensya si Elva sang body dysmorphia ukon tuman nga pagkadismaya sa kaugalingon.
Bangud sa insidente, liwat nga ginbuksan sa pungsod sang Poland ang isyu tuhoy sa risgo sang paggamit sang mga produkto naggikan sa black market kasubong man sang mga self-treatment procedures.
