NEW DELHI, INDIA – Indi magnubo sa 26 ka mga persona ang nagkalamatay sa sunog nga nagluntad sa apat ka panalgan nga nahamtang malapit sa railway station sa western suburb sang city state Delhi.
Makitan sa television footage ang mga aso nagikan sa sagwa sang mga bintanan sang building samtang ginabuligan sang mga bombero ang mga natrap sa mataas nga panalgan sang building nga makapanaog.
Isa ka pulis nga nagbuka sang mga bintanan sang building agud mabuligan salbar ang mga yara sa sulod kag siya ang napilasan kag naadmit sa ospital.
![](https://img.bomboradyo.com/bacolod/2022/05/FIRE-IN-INDIA.jpg)
Ang kalayo ang nagsugod sa una nga panalgan sang building nga ginahamtangan sang opisina sang isa ka surveillance camera manufacturing company.
Ang building ang nahamtang malapit sa isa ka railway station sa western Delhi suburb Mundka kag kapin 23 kilometros ang kalayuon nagikan sa national capital New Delhi.
Masobra 50 ka mga persona ang narescue kag padayon nga nagapaninguha ang mga bombero agud matapna ang sunog.
Masobra 30 ka mga fire tenders sang fire brigade ang ginpadala agud makontrolar ang sunog.