2,677 tanan ka mga personnel sang Police Regionl Office 6 ang napromote sa ginpatigayon nga simultaneous oath-taking, donning, kag pinning of ranks kahapon.
Sa interview sang Bombo Radyo Bacolod kay Police Lt. Col. Arnel Solis, spokesperson sang Police Regional Office 6, 2,562 gikan sa PRO6 ang napromote samtang 115 naman ang naggikan sa National Support Units.
Napromote sa mas mataas nga ranggo ang 718 ka mga patrolman/woman; 157 ka mga Police Corporal; 1,040 ka mga Police Staff Sergeant; 370 ka Police Master Sergeant; 99 ka Police Senior Master Sergeant; 192 ka Police Chief Master Sergeant; 49 ka Police Executive Master Sergeant; 33 ka Police Lieutenant kag 19 ka Police Captain.
Suno kay Solis, ang promotion ang nagapakita lang nga mas may dako na nga responsibilidad ang kapulisan sa paghatag sang maayo nga serbisyo sa kabug-usan nga Western Visayas.
Suno pa diri, ini ang mangin inspirasyon man nila sa paghatag sang extra effort sa trabaho agud makaangkon sang dason nga promotion para sa mas mataas nga ranggo.
