Wala na sang kabuhi makit-an ang 27 anyos nga lalaki nga nalumos sa baybayon sang Barangay Singcang-Airport, Bacolod City kahapon sang hapon, Abril 2.
Sa interview sang Bombo Radyo Bacolod kay Fire Officer 2 Paul Servano, spokesperson sang Bacolod City Fire Station, nagdangat sa tatlo ka oras kag 15 minutos ang gindugay sang ginpatigayon nga search and rescue operation kag sa ulihi nangin retrieval nalang ang ila naubra.
Suno kay Servano, may duha sila ka pumpboat nga ginsakyan kaupod ang personnel sang Philippine Coast Guard; CFAG personnel, Negros Tigers Striking Force Rescue kag ang Bacolod City Disaster Risk Reduction Management Office (CDRRMO) ang nagbuligay agud nga makita ang nalumos.
Suno kay Servano, ang bangkay ni Willie Chris Lariosa ang nakita sa pampang malapit sa Barangay Singcang-Airport.
Sa nasambit nga pampang nagplastar ang biktima kag ang mga kaupod para sa picture taking antes pa man nagpaligo ang nalumos.
Suno kay Servano, sa ulihi ang biktima ang nagkapa kapa bangud ginalantaw nga mamadlos ang hangin kag makusog ang current sang tubig.
Suno diri, ang biktima ang nakita tatlo ka metros halin sa pampang nga wala na sang kabuhi.
Nakita ini bangud sa mga mangingisda sa nasambit nga lugar.
