27 ka mga banwa kag ciudad sa Negros Occidental ang napasidunggan bilang High Functional Anti-Drug Abuse Council (ADAC) sa national result sang ADAC performance audit 2024.
Kalakip sa awardees ang Bago City, Cadiz City, Escalante City, Moises Padilla, Pulupandan, La Carlota City, Sagay City, Himamaylan City, San Carlos City, Manapla, Pontevedra, La Castellana, EB Magalona, Binalbagan, Toboso, Salvador Benedicto, Valladolid, Isabela, Silay City, Victorias City, Sipalay City, Talisay City, Ilog, San Enrique, Cauayan, Hinigaran kag Hinobaan.
Samtang apat ka local government unit (LGUs) naman sa probinsya ang ginkilala nga Moderate Functional ADAC nga ginlakipan sang banwa sang Candoni, Murcia, Kabankalan City kag Calatrava.
Ang mga ini ang ginpasidunggan matapos makapasar sa requirements kag standards sa mga tikang sa pagpapas sang illegal nga droga.
Ang ADAC awards ang rekisitos man antes makabatun sang Seal of Good Local Governance (SGLG) award kada tuig.
