Nagdeploy sang 276 ka mga police personnel ang Bacolod City Police Office (BCPO) agud nga magsiguro sang seguridad sang magapadulong kag makigselebrar sa Bacolod Chicken Inasal Festival 2025.
Sa interview sang Bombo Radyo Bacolod kay Police Col. Joeresty Coronica, City Director sang Bacolod City Police Office, all systems go naman ang Bacolod City Police Office sa pagsiguro nga mangin malinong kag matawhay ang nasambit nga aktibidad.
Suno kay Coronica, ang kada event nga patigayunon nga may kaangtanan sa kapiyestahan ang may yara sang nakadeploy nga security personnel nagikan sa BCPO.
Suno diri, ang magabantay sa area sang event ang indi man tanan ang nagikan sa police station nga yara sa area bangud ang mga kapulisan ang may existing function kun sa diin may nagikan sa iban nga police units ang ma-augment.
Mensahe sini sa mga fiesta goers nga ang mga belongings ang indi pagpamilin bilin bangud sa kawatan sa palibot kag indi lang dapat sa kawatan mag-aligmat kundi pati man sa terorista.
Sa tanan nga pagtililipon dapat ang publiko ang mangin alerto bangud ang terorista ang wala man sang ginapili gamay man ukon dako ang event.
