Nagpanumpa na sa serbisyo ang 279 ka mga Patrolmen kag Patrolwomen sa ginpatigayon nga Oath-Taking kag Turnover Ceremony sang CY 2026 Attrition kag Regular Recruitment Program sa NOCPPO Grandstand, Camp Alfredo M. Montelibano Sr., Barangay Estefania, Bacolod City, Miyerkules, Setyembre 16.
Ginpangunahan ang seremonya ni Police Brigadier General Rudecindo Reales, regional director sang Police Regional Office-Negros Island Region (PRO-NIR) nga gintambungan sang mga miyembro sang PRO NIR Screening Committee, iban nga mga opisyales kag personnel, kag pamilya sang mga bag-o gin-appoint nga Patrolmen kag Patrolwomen.
Sa 279, 168 ang napili sa idalom sang Attrition Recruitment Program, kun sa diin 136 ang lalaki kag 32 ang babayi.
Samtang 111 naman ang napili sa idalom sang Regular Recruitment Program, nga ginalakipan sang 97 ka lalaki kag 14 ka babayi.
Matapos magtake oath, magapaidalum ang mga newly appointed patrolmen kag patrolwomen sa anum ka bulan nga training sa Negros Island Regional Training Center.
Sa interview kay Police Brigadier General Rudecindo Reales, ang recruites ang ginabug-usan sang regular quota and attrition quota.
Suno kay Reales pagkatapos sang oathtaking ceremony i-turnover na ang mga ini sa Regional Recruitment Training Center kun sa diin didto sila mag-umpisa sang ila basic recruitment training course sa sulod sang anum ka bulan.
Matapos ang anum ka bulan magapaidalum pa ang mga ini sa field training.
Samtang mensahe ni Reales sa mga ginikanan kag pamilya nga intindihon kag supportahan ang mga police bangud sa ila trabaho may mga adlaw ilabi na sa holidays nga wala ang presensya sang mga ini.
Samtang, Suno kay Police Col. Jowel Saliba, Chief sang Regional Training Center sang PRO-NIR, pag-abot sang mga recruits, tsekyaron ang ila mga gamit bangud ginadumilian ang pagdala sang cellphone, pagkaon, bulong kag matalom nga mga butang.
Sa interview kay Saliba, matapos ang checking sang mga dala sang recruites laptahon ang mga ini para sa ila nga company ukon class kag sila ang pagatungaon by 50.
May yara sang 19 ka mga police officers ang magatudlo sa mga 279 ka mga recruits sang mga kinahanglanon agud mangin preparado sila sa pagserbisyo bilang mga police.
