Arestado ang isa ka 28-anyos nga babayi sa ginpatigayon nga buybust operation sa Purok Kaingin, Barangay Singcang Airport, Bacolod City kagab-i.
Ginkilala ang suspetsado kay Rose Ann Andrada, isa ka street level individuala kag residente sang amo nga barangay.
Sa interview sang Bombo Radyo Bacolod kay P/Capt. Jun Ray Batadlan, hepe sang Bacolod Police Station 8, isa ka semana lang nila nga ginmonitor si Andrada antes ginpatigayon ang operasyon.
Nakuha sa possession kag kontrol sini ang isa ka P500 bill nga marked money kag napulo ka mga small-heat sealed plastic sachet sang suspected shabu nga ginabanta nagabug-at sang duha ka gramos kag may balor nga 14 mil pesos.
Sa karon nakahunong na si Andrada sa Police Station 8 kag natalana nga pasakaan sang kaso nga pagbayolar sa Republic Act 9165 ukon Comprehensive Dangerous Drugs Act of 2002.
