28 anyos nga lalaki dakop sa drug buybust iperation sa Barangay 6, Bacolod City

Dakop ang isa ka 28 anyos sa ginpatigayon nga drug buybust iperation sa Barangay 6, Bacolod City.

Ang suspetsado ang ginkilala nga si Jewelmer San Luis, 28 anyos, wala sang trabaho, kag residente sa nasambitan nga Barangay.

Nakuha sa paghinakop sini ang tatlo ka medium heat sealed transparent plastic sachet sang suspected shabu kalakip na ang buybust item, isa ka coin purse kag P500 nga buybust money.

Ang suspected shabu nga nakumpiskar sa suspetsado ang nagabug-at sang duha ka gramos kag may ginabanta balor nga P13,600.

Sa karun si San Luis ang yara na sa kustodiya sang Bacolod Police Station 2 kag natalana nga mangatubang sang nagakaigo nga kaso.