Wala pa sang pamilya nga nagkumpirmar sang identity sang bangkay sang tawo nga nasapwan sa Barangay Matab-ang, Talisay City, Negros Occidental.
Sa interview sang Bombo Radyo Bacolod kay Police Lt. Col. Alvin Christopher Baybayan, hepe sang Talisay City Police Station, suno sa mga imbestigador wala pa sang nagpadulong ukon nakig-angot sa Talisay City Police Station agud nga magkumpirmar sang identity sang biktima.
Suno kay Baybayan, nagahulat na sila nga may magkumpirmar sang identity sang nasapwan nga bangkay.
Suno sa hepe napasa na nila sa Forensic Unit sang Philippine National Police ang sample sang DNA kag ginahulat pa ang resulta.
Nagapanawagan man si Baybayan sa mga may impormasyon angot sa identity sang biktima nga makig angot lamang sa mga kapulisan sang Talisay City Police Station.
