Wala na sang kabuhi sang nasapwan ang 28-anyos nga mananagat sa bahin sang Vito Port sa ciudad sang Sagay, Biyernes nga adlaw, Mayo 1.
Ginkilala ang biktima kay Ronilo Bengil, 28-anyos, kag residente sang Purok Bangkal, Brgy. Bulanon, Sagay City.
Sa interview sang Bombo Radyo Bacolod kay Lieutenant Junior Grade Ronnielyn Lapitan, spokesperson sang Coast Guard Station Northern Negros Occidental, Huwebes sang gab-i, kaupod ni Bengil ang iya amay sa pagpangisda kag pagpanalom apang ang biktima ang wala na nakabutwa pa.
Suno kay Lapitan, ginbantayan pa ini sang amay kag ginhulat nga makabutwa.
Suno diri, sang Biyernes sang aga na sila nakabaton sang report kag ang amay sang biktima ang nagtumod nga anak niya ang nasapwan nga nagalutaw.
Ginapahayag nga ang biktima ang may problema sa ikaayong lawas.
Ginaimbestigaran pa sa karun kun may yara sang foul play.
