Yara na sa kustodiya sang Bureau of Customs ang 28 ka mga luxury vehicles nga ginapanag-iyahan sang pamilya Discaya.
Suno sa BOC, ginsurrender sang mga Discaya ang dugang nga 16 ka mga salakyan sini sang Huwebes, Setyembre 4.
Ini magluwas pa sa nauna nga 12 ka mga salakyan nga nakalista sa search warrant nga ginpatigayon sang Setyembre 2 sa St. Gerrard Construction General Contractor & Development Corp. compound sa ciudad sang Pasig.
Ginapaidalum ang mga salakyan sa sealing kag documentation kag hugot ini nga ginabantayan sang mga personalidad sang BOC samtang ginaverify ang mga importation records kag assessment of duties and taxes.
Una na nga gin-ako sang mga Discayas sa hearing sa Senado nga may yara sila sang 28 ka mga luxury cars samtang sa isa ka vlog, ginpahayag sini nga nagadangat ang iya mga salakyan sa 40.
