Kabug-usan nga 28 sa 61 ka mga barangay sa ciudad sang Bacolod ang gindeklarar nga “COVID-free” sa nagligad nga 14 ka adlaw, suno sa Emergency Operations Center Task Force kahapon.
Ini ang ginalakipan sang Barangay 2, 2, 4, 5, 6, 7, 9, 11, 12, 14, 15, 17, 18, 20, 22, 23, 24, 25, 26, 30, 31, 34, 36, 37, 38, 41, Felisa, Montevista, kag Alangilan.
Suno sa latest statistics, 45.9% ukon malapit sa tunga sang mga barangay sa Bacolod ang wala sang COVID-19 transmission sa sulod sang duha ka semana.
Suno kay City Administrator Em Ang, executive director kag deputy for administration and operations sang EOC-TF, nagalaom ini nga magapadayon ang nagasaka nga numero sang mga barangay nga COVID free sa ciudad.
Suno kay Ang, ang pagsaka kag pagpanaog sang numero sang mga kaso sa Bacolod ang nagadepende sa kooperasyon sang mga pumuluyo sa lokal nga polisa kag pag-obserbar sang minimu health protocols.
Gindugang man sini nga suno sa pahanumdum ni Mayor Evelio “Bing” Leonardia sa tion sang krisis, ini ang tion para sa pagbuligay kag indi dapat magpakampante.
