Arestado ang isa ka 29-anyos nga lalaki sa buybust operation nga ginpatigayon sang Bacolod Police Station 1 sa Purok Masinadyahon, Barangay 12, Bacolod City.
Sa impormasyon nga nakuha sang Bombo Radyo, ginkilala ang suspetsado kay Emil Orolan, 29 anyos, residente sang nasambit nga lugar kag isa ka high value individual.
Nakuha sa iya paghinakop ang siyam tanan ka heat sealed transparent plastic sachet sang suspected shabu, isa ka improvised tooter, isa ka coin purse, isa ka disposable lighter kag P500 nga mark money.
Ang nakumpiskar nga illegal nga druga ang ginabanta nagabug-at sang kapin tatlo ka gramos kag mas estimated market value nga P20,400.
Sa karun nakahunong ang suspetsado sa Bacolod Police Station 1 kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
