29 anyos nga lalaki nakuhaan sang suspected shabu kag suspected dried marijuana; suspek nagayuhom pa sang nadakpan

Nagayuhom pa sang ginkuhaan sang litrato ang 29 anyos nga lalaki nga nadakpan sa drug buy-bust operation nga ginpatigayon sang Bacolod City Police Office (BCPO) -City Drug Enforcement Unit (CDEU) sa East Home 6, Brgy. Mansilingan, Bacolod City, kahapon alas- 5:31 sang aga.

Ang suspetsado ginkilala nga si Jerome Miguel Bantigue, single, nagatrabaho bilang bouncer kag residente sang nasambit nga lugar.

Nakumpiskar sa paghinakop ni Bantigue ang kapin sa 28 gramos sang suspected shabu nga may standard drug price nga P190,400 kag duha ka gramos sang suspected dried marijuana Kush nga may standard price of P2,400.

Si Bantigue magapanagtubang sang kaso nga paglapas sa Section 1 kag 11 sang R.A. 9165 ukon Comprehensive Dangerous Drugs Act of 2002.