Pilason ang isa ka 29 anyos nga lalaki matapos nga ginluthang sa Hacienda Bayabas 3, Barangay Daga, Cadiz City.
Ang biktima ang ginkilala nga si Daniel Pat-og, 29 anyos, laborer samtang ang suspetsado ang ginkilala naman nga si Roberto Gonzales, 57 anyos, isa ka mangunguma.
Ang duha ang nahibaluan nga lunsay mga residente sa nasambitan nga lugar.
Suno kay P/Capt. Gina Fernandez, ang public information officer sa Cadiz City Police Station, samtang naga-inom sang tubig ang biktima sa bahin nga medyo malayo na sa iya nga balay; hinali na lamang ini nga ginpalapitan sang suspetsado.
Nagluntad ang argumento, kag bangod sa indi paghangpanay hinali na lamang naghunos sang improvised shotgun ukon sulpak ang suspetsado kag ginluthang si Pat-og.
Ang biktima ang makaangkon sang samad sa nawala nga kamot, apang nahimo naman sini nga makadalagan kag magpangayo sang bulig.
Gilayon naman nga nagpalagyo si Gonzales apang nahimo man nga madakpan sa pursuit operation sang Cadiz City Police Station.
Suno kay Fernandez, antes paman ang insidente, may ara na sang indi paghangpanay ang duha ka bahin kun sa diin sila ang ginasettle sa Barangay may kaangtanan sa away sa duta.
