BACOLOD CITY — Nagapangaduha ang Negros Occidental sa anom ka mga probinsya sa pagtakop sang ikaduha nga adlaw sang Western Visayas Regional Athletic Association (WVRAA Meet) sa ciudad sang Iloilo.
Sa data nga ginpagwa sang Department of Education Region 6 alas 5:00 subong nga aga, 14 na ka gold medals ang natipon sang Negros Occidental delegation nga ginalakipan sang pito sa elementarya kag pito man sa sekondarya; 14 ka silver kag 17 ka bronze medals.
Nagapanguna ang Iloilo nga may 17 ka gold medals, 15 ka silver kag 11 ka bronze medals.
Nagapangatlo ang Aklan nga may pito ka bulawan, pito ka silver kag 11 ka bronze medals; nagapang-apat ang Capiz nga may lima ka bulawan, pito ka silver kag siyam ka bronze; nagapanglima ang Guimaras nga may tatlo ka bulawan, apat ka silver kag pito ka bronze medals; kag nagapang-anom ang Antique nga may isa ka silver kag isa man ka bronze medals.