Wala gihapon nalab-utan ang cease-fire agreement kag nagapadayon ang gyera sa tunga sang Russia kag Ukraine matapos ang pila ka oras nga negosasyon sa ikaduha nga round sang peace talks nga natapos kahapon.
Sa tweet ni Ukraine Presidential Adviser Mykhailo Podolyak, natapos ang ikaduha nga round sang negosasyon apang ang resulta nga kinahanglan sang Ukraine ang wala pa nalab-ot.
Suno sa foreign minister sang Russia, magapadayon ang pungsod sa pag-insist nga ang maskin ano nga peace agreement sa Ukraine ang dapat lakipan sang promisa nga ang Ukraine ang ma-demilitarize.
Nagsignal man ang Russia nga luyag sini nga diskusyunan ang pag-adopt sang Ukraine sang “neutral status” kag nagpasugot nga iabandonar ang handom sini nga makigbahin sa North Atlantic Treaty Organization (NATO).
Antes ang meeting, nagpost si Podolyak sa Twitter nga ang prayoridad sang Ukraine sa talks amu ang “immediate cease-fire,” kag humanitarian corridors para sa evacuation sang mga sibilyan.
Pagkatapos sang paghinun-anon, nagtweet si Podolyak nga ang talks ang nakatuga man sang solution para lamang sa pag-organisa sang humanitarian corridors.
Sa televised briefing sang Huwebes kaupod ang mga foreign journalists, ginpahayag ni Russian Foreign Minister Sergei Lavrov nga handa ang Russia nga magnegosyar.
Nagpabutyag naman si Ukrainian President Volodymyr Zelenskyy nga wala ini sang interes nga magdemilitarize kag nagpagwa sang warning kay Russian President Vladimir Putin.
Ginpahayag man ni Zelenskyy nga handa ini nga makigkita kag mag-istorya direkta kay Putin kag ginliwat ang iya panawagan sang “no-fly” zone sa Ukraine.
