Lauman ang maulanon nga panahon sa 3-day highlights sang Masskara Festival 2026 halin Oktubre 16 tubtob 18.
Sa interview sang Bombo Radyo Bacolod kay Dr. Anna Maria Laarni Pornan, head sang Bacolod City Disaster Risk Reduction and Management Office, santo sa weather forecast sang ila operation center, mangin magal-umon ang panahon kag lauman nga isolated nga madamol nga mga pag-ulan halin Oktubre 16 tubtob 18, partikular na sa tion sang hapon.
Ang CDRRMO ang nagapreparar naman kag naghamtang na sang team sa nagkalainlain nga strategic locations.
Suno kay Pornan, Oktubre 1 pa lamang nagdeploy na sila sang mga team, apang ini ang ginpadamo pagid nila sang Oktubre 9 paagi sa pagtap sa mga volunteer groups kag barangay.
Ang ila nga deployment plan ang ila naman nga ipresent kay Bacolod City Mayor Greg Gasataya subong nga hapon, kalakip na ang contingency measures sa pag-ulan.
Panugyan ni Pornan sa mga festival goers nga magbalon sang payong ukon raincoat sa paglagaw sa mga aktibidad sa highlights sang Masskara Festival 2026.
