May ipatuman nga 3 days full road closure ang Bacolod Transportation and Traffic Management Department (BTTMD) para sa undas.
Suno kay BTTMD Head Atty Atty. Reuben Sabig, may road closure halin sa Oktubre 31 tubtob Noyembre 2 sa Burgos Street halin sa Bacolod Police Station 4 tubtob sa intersection sang Burgos Lopez Jaena.
Ang apektado nga ruta amo ang Homesite, Granada, Fortune Towne, kag Alangilan.
Ang private vehicles makalabay sa MegaWorld lusot sa Circumferential road samtang ang Public Utility Jeepney naman malabay sa Villamonte.
Halin sa Downtown, malabay ang mga motorista sa Hilado padulong sa LN Agustin kag Ilang-ilang kag maagi sa Burgos pagwa sa Circumferential road.
Samtang, apektado man ang dalan sa Shopping padulong sa Downtown bangod indi malabyan ang Lopez Jaena sa ginalauman nga maggutok ang dalan.
Nagpasalig naman si Sabig nga may ideploy nga mga traffic enforcers sa mga public kag private cemetery kag balaligyaan sang bulak kag kandila para mag-assist sa mga nagabyahe.
