Dako nga bugal para sa tatlo ka mga estudyante sa syudad sang Bacolod matapos nga makabatun sang Outstanding Student Award gikan sa Junior Chamber International – Bacolod.
Suno kay Lyka Campillan, siya ang napilian sang La Consolacion College – Bacolod (LCC – Bacolod) nga mangin represente bilang isa ka Student Leader.
Pahayag sini nga ginpa-idalum sa elimination ang mga ginpasa nga mga requirements kun sa diin tatlo ang mga nangin awardees.
Paathag sini nga isa lang sa kada eskwelahan ang ginapahanugutan nga makapasakop sa programa sang JCI.
Magluwas sa Outstanding Student Award si Campillan ang nakabatun man sang Youth Leadership Excellence Award.
Samtang ang mga ginapadala naman amo ang mga estudyante nga naga-excell sa academics, community service kag leadership.
Suno kay Campillan, siya ang Rank 6 sa academics sa LCC samtang siya ang Executive Secretary naman sa Student Government.
Paathag sini nga ginaranking ang mga partisipante santo sa ila nga achievement sa Academics, Community Service kag Leadership.
Paathag sini nga nangin yabi sini ang time management apang wala sini ginakalipatan magtalana sang oras para sa pagpahuway.
Siya ang wala man ginapressure sang mga ginikanan kag ginapanugyan lang nga ihatag ang iya nga best.
Suno kay Campillan, achiever na ini humalin palang sang Elementary apang nag-umpisa ini sa pagsulod sa Student Body sang siya ang nagtongtong sa Grade 8.
Pahayag sini nga siya ang nagtuon sang maayo, gintrabaho ang academics kag nakigbahin sa nagkalainlain nga activities.
Samtang sa mga adlaw naman nga wala ini sang gina-obra, siya ang masami nga naga-upod sa community service sang pila ka organisasyon nga iya ginpasakupan.
Suno diri, ini ang iya nga passion kag kalipayan sini ang community service.
Dako man ang pagpasalamat sini sa mga nagasuporta kag nagabulig sa iya.
Sa pihak nga bahin, dako naman ang nangin papel sang mga manunudlo kag classmates sa nangin achievement ni JZ Louise Pantua, JCI Awardee gikan sa Bacolod City National Highschool ilabi na nga siya ang gikan sa private school antes nagtransfer sa public.
Bilang kabahin sa Special Class, ginpahayag sini nga sila ang may cut off grades gani indi mahimo nga magpabaya sa pagtuon.
Bilang study habbits, aminado naman ini nga mas aktibo ang pinsar sini para sa pagtuon kun gab-i, samtang ginapakamaayo naman sini nga magtuon isa ka semana antes ang exam bangod indi sini luyag nga magcramming.
Siya ang mas natrain naman sang iya iloy nga isa man ka manunudlo.
Suno kay Pantua, siya sadto ang kabahin sang girls scout, apang sang nagtahaw ang programa, siya ang nagswitch sa publications kag nangin broadcaster sa eskwelahan.
Samtang mas nangin aktibo naman ini sa research sang magtapak sa Grade 9 kag 10.
Samtang dako naman ang pagpasalamat ni Mayet Amas sang Luis Hervias National Highschool bangod sa mga nagasalig kag nagasuporta sa iya tubtob sa naangkon ang JCI Award.
Suno diri, siya ang baba-an, energetic, tuman ka open ang personalidad kag mataas ang confidence sa kaugalingon gani siya ang ginsaligan man sang mga manunudlo.
Ginapasalamatan sini ang mga nagpati sa iya kag nagsuporta emotionally kag financially nga ginalakipan sang mga manunudlo, classmates kalakip na ang iya mga ginikanan.
