Tatlo ka person of interest ang ginalantaw nga suspetsado nga nagluthang sa 38 anyos nga anay tanod sa Brgy Amayco, banwa sang Murcia, Negros Occidental, alas- 6:30 sang gab-i sang Biyernes.
Ang biktima ang ginkilala nga si Jonel Peruelo, 38 anyos, kag residente sang nasambit nga lugar.
Suno kay Police Captain Rodney Sarona, Deputy Chief of Police sang Murcia Municipal Police Station, nagapamahaw sa isa ka sari-sari store si Peruelo sang may nag-untat nga motorsiklo sakay ang tatlo ka persona nga naka-jacket kag facemask nga nagtiro sa iya.
Pila ka igo sang pagpangluthang ang na-agom ni Peruelo nga rason sang kamatayon sini.
Ginalantaw sa karun nga personal grudge ang motibo sa pagpatay bangod nga makaagi na nga may napatay man sadto si Peruelo paagi sa pagpangluthang.
