Nalakip ang apat ka tumandok sang Negros Occidental sa anom ka wanted nga Security Guard santo sa ginrellease nga wanted posters sang Philippine National Police may kaangtanan sa pagakdula sang mga sabungero sa Manila sang nakaligad nga tuig.
Ginkilala ang mga suspetsado nga sanday Mark Carlo Zabala, 29 anyos tumandok sa banwa sang Hinigaran, Roberto G. Matillano Jr., 54 anyos, tumandok sang Talisay City, Johnry R. Consolacion, 33 anyos kag Virgilio P. Bayog, 44 anyos sang siyudad sang Kabankalan, kasubong man sanday Julie A. Patidongon alias “Dondon,” 45 anyos kag Gleer Codilla alias Gler Cudilla.
Ang anom ka security guards ang ginapatihan nga may kaangtanan sa pagkadula nanday James Baccay, Marlon Baccay, Claude Inonog, Mark Joseph Velasco, Rowel Gomez, kag Rondel Cristoru sa Manila Arena sang Enero 2022.
Gindagdagan sang patong nga P1 million ang kada isa sa mga suspetsado nga may kabug-usan nga balor nga P6 million para sa grupo.
Suno kay Police Brig. Gen. Romeo Caramat Jr., director of the PNP Criminal Investigation and Detection Group (CIDG), ila ginalauman nga pamaagi sa poster mapadasig ang pag-aresto sa mga akusado.
Iga-distribute nationwide ang poster sa tanan nga PNP units, places of convergence, social media, kag website sang CIDG para sa madasig nga pag-alokar sa mga suspetsado.
Madumduman nga anom ka subungero ang nadula sang Enero 13, 2022, kun sa diin matapos ang imbistigasyon sang kapulisan kag bulig gikan sa CIDG, nahibaluan nga sang Disyembre 2022, ang anom ka suspetsado ang gin-alegar nga nagdala sa mga sabungero sa Manila Arena nga batok sa ila kagustuhan.
Suno sa mga witness, ang mga biktima ang ulihi nga nakit-an nga ginsakay sa gray nga van, kun sa diin gin-alegar nga nahimo pa sang isa sa mga biktima nga si Claude Inonog nga magtawag sa amay sini kag nagpahibalo nga sila ang gin-abduct.
