BACOLOD CITY—Tatlo ang patay lakip ang isa ka retired army kag retired pulis samtang duha ang pilason sa pagpangluthang sa banwa sang Isabela sa probinsya sang Negros Occidental kagab-i.
Ginkilala ang mga napatay nga sanday Jose Jurito Amable nga retired army, Alejandro Borez nga retired pulis, kag Frederico Bitge nga mga nakaagum gid sang patal nga igo.
Ang mga pilason naman nga sanday Timothy Aaron Achivar kag Alquin Genterola Jr. ang gin-refer sa ospital sa ciudad sang Bacolod.
Suno kay Police Chief Inspector Ruben Pajarito sang Isabela Police Station nga yara sa haya sang ila himata ang mga biktima sang natabo ang pagpang-atake sang mga nakapalagyo nga mga gunmen nga armado sang kalibre 45 kag 9mm pistol malapit sa Crossing Magallon sa Barangay Bulad.
Nahibaluan nga ang napatay nga retired army nga si Amable ang nagapamuno sang civil security group sang kaiping nga banwa sang Moises Padilla.
Dugang pa ni Pajarito nga wala pa sila may nakita nga motibo apang padayon sa gihapon ang ila imbestigasyon.
