AUCKLAND, New Zealand – Tatlo ang patay kag anom ang pilason sa shooting incident nga nagluntad sa isa ka construction site sa Auckland, ang pinakadako nga ciudad sa New Zealand.
Nagluntad ang insidente pila ka oras antes ang opening match sang ninth Women’s soccer World Cup sa Eden Park sa Auckland kahapon.
Suno kay Prime Minister Chris Hipkins, magapadayon ang soccer tournament santo sa plano.
Dugang pa sini, ang nagluntad nga insidente ang ginhimo sang isa ka indibidwal kag wala naman sang ginapangita ang police sa may kaangtanan sa insidente.
Suno kay Hipkins, wala man sang natumod nga political ukon ideological nga motibo sa shooting kag wala man ini sang risgo sa national security.
Samtang, ginpahayag man sang police nga ang shooter ang patay na kag ang wala na ang risgo gikan sa insidente.
Nadelay naman ang training sang team sang Italy matapos nga ang mga players ang indi makagwa sa hotel samtang, ang team sang Estados Unidos ang nagpahayag nga ang mga players sini kag ang mga staff ang safe.
Hilway man si Douglas Emhoff, ang bana ni U.S. Vice President Kamala Harris kag nagapanguna sa presidential delegation sa New Zealand nga nagtambong sa opening ceremony sang World Cup, suno sa US embassy sa New Zealand.
Suno kay Bombo international news correspondent Tide Rogacion, direkta sa New Zealand, ang suspek ang ginpaidalom sa home detention kag ginamonitor sang mga kapulisan kun sa diin ini makadto, apang exempted sa pagtrabaho sa nasambit nga construction site.
Ang suspect ang nagsaka sa ginatrabahuan sini nga building kag nagpaniro.
Suno kay Rogacion ang natabo nga shooting incident ang isa ka isolated incident kag gindeklarar naman sang head sang mga kapulisan sa New Zealan nga indi man ini pamahog sa national security kag magapadayon ang pagpatigayon sang FIFA Women’s World Cup nga nagbukas man kahapon.
