Madasig nga naglapta sa social media ang natuhoy sa lalaki nga nagpaidalom sa kaangay nga workout routine sang character nga si Saitama gikan sa isa ka sikat nga anime nga One Punch Man, sa sulod sang tatlo ka tuig.
Si Tasuke, nga nag-umpisa sang challenge sang 2023 sa edad nga 41-anyos, ang adlaw-adlaw nagahimo sang 100 push-ups, 100 sit-ups, 100 squats, kag 10 kilometros nga pagdalagan sa sulod sang 1,096 ka adlaw.
Bangud diri, matalupangdan ang iya nga physical transformation, humalin sa simple nga office worker, sa karon may yara na ini sang ‘toned’ ukon manami nga hulma sang lawas, six-pack nga abs, kag mas mabaskog nga endurance.
Sa kabug-usan, nakadalagan na ini sang masobra 16,000 kilometers kag nakakumpleto sang indi magnubo sa 109,000 repetitions sang kada ehersisyo.
Apang nagpaandam ang mga eksperto nga mahimo magresulta sa seryoso nga injury ang nasambit nga extreme workout kun indi handa ang lawas sang isa ka tawo.
