Nakaangkon sang madamo nga pilas sa nagkalain-lain nga bahin sang lawas ang 30 anyos nga lalaki matapos ginbuno sang 16 anyos nga suspetsado sa Barangay Old Sagay, Sagay City, Negros Occidental.
Sa interview sang Bombo Radyo kay Police Lt. Abundo Diaz, deputy chief sang Sagay City Police Station, indi pag-intindihanay ang gintunaan sang pagbuno sang 16-anyos sa biktima nga si Ricky Alvarado, residente sang Purok Santan sa nasambit nga ciudad.
Bangud nga menor-de-edad ang biktima, indi sila makadisclose sang dugang nga mga impormasyon sa insidente.
Suno kay Diaz, ila pa man gina-establish kun may daan nga hiligut-anon sa tunga sang suspetsado kag ni Alvarado.
Suno diri, yara sa karun sa ospital ang biktima kag gin-operahan matapos nakaangkon sang madamo nga pilas sa lawas.
Ginturn over naman ang 16-anyos sa Women’s and Children Protection Desk sang Sagay City Police Station kag ginturn over sa Department of Social Welfare and Development (DSWD) nga ginbalik naman sa guardian sini.
