Wala na sang kabuhi ang 30 anyos nga lalaki sang masapwan sa Barangay Ilaya, Calatrava, Negros Occidental sang Enero 13.
Sa interview sang Bombo Radyo Bacolod kay Police Major Ronald Santillan, hepe sang Calatrava Municipal Police Station, nasapwan nalang ang biktima sang iya amay nga wala na sang kabuhi samtang nakabitay sa ila nga puluy-an.
Suno kay Santillan, santo sa ila nga imbestigasyon ang biktima ang nakapanugid pa sa iya nga utod nga babayi nga nahibaluan sini nga ang karelasyon niya ukon ang live-in partner sini nga Overseas Filipino Worker ang may yara na sang iban nga karelasyon.
Suno sa hepe, indi mabaton sang biktima ang nahibaluan kag naglain ang buot kasubong man nagakasubo kag nakahambal pa ini sa iya utod utason na lamang sini ang iya nga kabuhi apang wala man nagdahom ang utod nga matuoron ini sang biktima.
