Ginpahayag nga ginkawat ang 30 ka mga inugbulang nga manok sa isa ka game farm sa Purok Bonifacio, Barangay Mailum, Bago City, Negros Occidental sang Agosto 8, 2026.
Ang RGBT Game Farm ang ginapanag-iyahan ni alias nga “Robert,” 55 anyos, lalaki, kasado kag residente sang nasambit nga lugar.
Ang mga nadula nga inugbulang ang may wing band identifiers nga Local Green Wing kag National Yellow Wing Band.
Base pa sa imbestigasyon, nagsulod ang mga suspetsado sa game farm matapos nga gin-utod ang secondary barbed-wire fence kag primary net fence.
Matapos nga makuha ang mga inugbulang nga manok nagpalagyo ang mga ini sa wala mahibaluan nga direksyon.
Sa karun nagapadayon ang imbestigasyon sang mga kapulisan agud nga matumod ang may kahimuan sang pagpangawat.
