Naga-assume si 302nd Infantry Brigade commander Brigadier General Joey Escanillas nga nagapatigayon sang partisan operations batok sa mga suldado ang mga miyembro sang New People’s Army nga nasugata sang 47th Infantry Battalion sa Purok Lubi, Barangay Tabugon, Kabankalan City kagab-i.
Sa interview sang Bombo Radyo kay Escanillas, pila ka short firearmas ang narecover sa possession sang anom nga nagkalamatay.
Suno kay Escanillas, pila na ka bulan nga ginaalerto ang mga suldado sa banwa sang Cauayan nga nagaconduct sang peace and development support operations sa nasambit nga banwa bangud may nabaton sila nga report nga magapatigayon ang Special Partisan Unit sang New People’s Army sang partisan operations batok sa mga suldado.
Sa idalom sang partisan operations suno kay Escanillas, nagaliquidate ukon nagapamatay ang mga rebelde sang mga suldado.
Bangud sini, gina-assume ukon ginapatihan sang 302nd Infantry Brigade nga nagapatigayon sang partisan operations ang nasugata sang mga suldado bangud short firearms ang ginagamit diri.
Sigurado si Escanillas nga mga miyembro sang NPA ang nagkalamatay bangud gilayon nga may nakakilala sa ila nga former rebel kag isa sa ila ang squad leader samtang ang isa naman ang medic.
