Nagretiro na si 303rd Infantry Brigade Commander Brig. Gen. Inocencio Pasaporte subong nga adlaw bangud malab-ot na sini ang mandatory retirement age nga 56 bwas nga adlaw, Disyembre 28, 2022.
Ginpatigayon kaina sang aga ang turn-over of command sang 303rd Infantry Brigade (IB), Philippine Army sa Camp Nelson Gerona sa banwa sang Murcia, Negros Occidental.
Temporaryo nga magbulos kay Pasaporte ang deputy commander sang 303rd IB nga si Colonel Michael Samson.
Nagtambong naman sa turn-over ceremony 3rd Infantry Division commander kag concurrent acting chief sang Armed Forces of the Philippines Visayas Command nga si Maj. Gen. Benedict Arevalo.
Nangin dinapit man nga bisita sanday Police Brigadier General Leo Francisco, regional director sang Police Regional Office 6 kag Negros Occidental Police Provincial Office director Police Col. Leo Pamitan kag Negros Occidental Provincial Administrator Atty. Rayfrando Diaz agud magrepresentar sang probinsya.
Sa speech ni Brig. Gen. Inocencio Pasaporte, nalab-ot na sini ang conclusion sang iya military service.
Suno kay Pasaporte, nagserbisyo ini sa sulod sang 35 ka tuig,walo ka bulan kag 27 ka adlaw.
Nagapati man ini nga ginhimo niya ang iya nga best agud nga magserbisyo sa mga tawo kag sa pungsod.
