Patay ang 31-anyos nga babayi matapos ginsumbag sang iya live-in partner sa Dos Hermanos Street Barangay 3, San Carlos City alas-2:00 sang Lunes sang kaagahon.
Ginkilala ang biktima nga si alyas “Ezzence” samtang ang 33-anyos nga live-in partner amo si alyas “James”, 33-anyos, lalaki nga lunsay mga residente sang nasambit nga lugar.
Sa interview sang Bombo Radyo kay Police Lt. Col Nazer Canja, hepe sang San Carlos City Police Station, may nagluntad nga pagbinaisay sa tunga sang maglive-in partner samtang sila ang naga-higda sa ila balay.
Mabangon kuntani ang biktima apang ginsumbag ini sang suspect sa bahin sang iya ulo rason nga siya ang nadulaan sang animo.
Dead on arrival si alyas “Ezzence” sa ospital.
Nagsurrender naman ang suspect sa San Carlos City Police Station kag natalana nga magapangatubang sang kaso nga homicide.
Ginapahayag pagpangimon ang rason sa nasambit nga insidente.
