Patay ang 31 anyos nga driver matapos gintiro sang iya kaingod balay sa Barangay Paraiso ciudad sang Sagay, gamit ang sulpak, kahapon, Setyembre 18.
Ginkilala ang biktima kay Cris Mark Drua alyas Hapon, 31-anyos ang edad samtang ang suspek ang ginkilala kay Hanzel Padilla, 37 anyos may asawa kag lunsay pumuluyo man sang nasambitan nga lugar.
Sa interview sang Bombo Radyo Bacolod kay Police Lt. Hanna Mesheil Banquil, Deputy Chief of Police sang Sagay City Police Station, may yara sang indi pag-instindihanay ang suspek kag ang biktima kun sa diin ang suspek ang balay sang biktima.
Suno kay Banquil, nagpanirado naman ang biktima apang alas 6:30 sang aga samtang nagapaligo ang biktima sang ido sini, ginkumprontar sang suspek ang biktima.
Nasulit naman ang ginbaisay sang duha kun sa diin nagkuha sang sulpak ang suspek kag hinali lang nga gintiro ang biktima.
Nakaagom sang igo sa nawala nga dughan ang biktima nga gintunaan sang kamatayon sini.
Gilayon man nga nagpalagyo si Padilla sa wala mahibaluan nga direksyon.
At large sagihapon ang suspek gani nagapanawagan ang Sagay City Police Station sa mga residente nga kun makita si Padilla sa ila lugar gilayon nga magreport sa mga kapulisan agud nga gilayon nga makadtuhan sang mga kapulisan.
