Magapanghatag sang uniformed push carts ang Bacolod City Government sa mga ambulant vendors sa Bacolod City Public Plaza.
Sa interview kay Bacolod City Mayor Greg Gasataya, pirmado na sini na ang program of works, gani sa karun ginapreparar nalang ang mismo nga pagpanagtag.
Malawig man ang nangin proseso bangod ini ang nakaligad nga tuig pa ginduso sa Sanguniang Panlungsod, kag sila ang nagpatigayon pa sang meeting sa mga department heads kag mga vendors sa plaza.
Nahibaluan nga may-ara na sang existing ordinance nga nagaregulate sang plaza vendors sa idalom sang Bacolod City Cooperative and Livelihood Development Office.
May-ara man sang gina-issue nga IDs para sa mga vendors.
Ang mga ambulant vendors ang indi man pwede nga makatulog sa plaza gani importante nga mobile ukon mahapos nga mahimos ang ila stalls.
Ang kada cart ang nagabalor P15,000 kag may kabug-usan nga P465,000.
Suno kay Mayor Greg, karun nga natapos na ang Masskara Festival, nagresume naman ang ongoing rennovation sa plaza, kag ginalantaw sini nga idungan nalang ang paghatag sang mga carts sa mga vendors.
Ang ciudad ang nagapatigayon naman sang flushing activities sa mga gingamit nga festival sites kaangay sa Bacolod City Public Plaza.
