31 ka persona, napatay sa isa ka care home para sa mga tigulang, bangod sa lapaw sa ulo nga pagbaha sa China

Nagdangat sa 31 ka mga persona ang nagkalamatay sa isa ka care home para sa mga may edad matapos ang nagluntad nga pagbaha sa China.

Nagdangat sa lapaw sa tawo ang kataason sang baha sa isa ka care home sa Miyun District kun sa diin madamo sa mga nagkalamatay ang indi na makahulag ukon mga bedridden.

Aminado naman ang mga otoridad nga may yara sila sang lapses sa emergency planning.

May yara sang kabug-usan nga 44 ka mga persona nga nagkalamatay sa lapnagon nga pagbaha sa China bangud sa nabatyagan nga pag-ulan sa sulod sang pila ka adlaw.

Sa Hebei province, may yara sang 16 ka mga persona nga nagkalamatay, samtang walo naman ang napatay sa Chengde province.