Ginpatigayon na ang ceremonial turn over sang 31 ka uniformed food cart para sa mga ambulant vendors sa Bacolod City Public Plaza subong nga hapon.
Sa interview sang Bombo Radyo Bacolod kay Executive Assisant IV April Rose Mayo, ang mga lehitimo nga plaza vendors ang nauna na nila nga ginhatagan sang P10,000 nga financial assistance.
Matapos ang turn-over ceremony, ang mga food carts ang sarang naman nila nga magamit.
May temporaryo nga pwesto lamang nga gintalana para sa ila karun nga sarado pa ang plaza bangod sa on-going rennovations.
Apang sa pagbukas sang plaza, may naspecify naman nga area kun sa diin sila pwede makaplastar.
Hungod naman nga ginhatagan sang libre nga food carts ang mga vendors, agud uniporme ang desinyo sini kag matahom tulukon, indi kaangay sa sadto nga pwesto nga sa masami table lamang kag payong.
Ang kada food cart ang nagabili sang P15,000.
Kaangay sa paghatag sang financial assistance, ginpaidalom man sang oath of undertaking ang mga vendors.
Paathag ni Mayo nga indi pwede ipagamit sa iban ang food cart, indi pwede ibaligya, kag indi pwede gamiton sa iban nga purpose.
