31 kag 19 anyos nga lalaki dakop sa drug buy bust operation sa Barangay Villamonte

Dakop ang 31 anyos kag 19 anyos nga lalaki sa drug buy bust operation nga ginpatigayon sa Purok Isla Barangay Villamonte, Bacolod City, Negros Occidental, kahapon, alas- 5:54 sang hapon.

Sa interview sang Bombo Radyo Bacolod kay Police Major Elmer Bonilla, station commander sang Police station 4, ang nadakpan amo sanday Albert Tortosa, 31 anyos, ginakabig nga High Value Individual; kag John Aries Osias, 19 anyos, lunsay mga resdiente sang nasambit nga brgy.

Narekorber sa duha ang kapin sa 65 ka gramos sang suspected shabu nga ginabanta nagabalor sang P442,000.

Suno kay Bonilla, si Tortosa ang may anay kaso sa pagpangawat kag sa karun nagsulod sa pagbaligya sang illegal nga druga.