Nakitaan sang mga pilas tuga sang pagpamuno kag ginlaslasan sang liog ang 32 anyos nga lalaki nga nasapwan nga wala na sang kabuhi sa Prk 3, Brgy Laga-an, Calatrava, Negros Occidental alas-11:10 kagab-i.
Ang biktima ang ginkilala nga si Alyas Wewin, 32 anyos, kasado, residente sa nasambit nga lugar.
Si Wewin ang ulihi nga nakit-an nga buhi alas-10:00 sang Martes sang gab-i.
Sa natipon nga mga impormasyon sang Calatrava Municipal Police Station, ginalantaw nga may nagbangga nga isa ukon masobra pa nga mga persona sa biktima sang maglab-ot sa lugar sang insidente.
Ini ang nasapwan nga may pilas tuga sang pagpamuno sa nagkalainlain nga bahin sang iya lawas, kag may laslas sa iya nga liog.
Apang wala pa sang nakagwa nga witness nga sarang makatumod sa mga suspetsado, kag makapaathag sa natabo nga krimen.
Ang lawas ang gilayon man nga gindala sa Calatrava Municipal Hospital kun sa diin siya ang ginpaidalom sa Post-Mortem Examination, agud matumod ang rasun sang kamatayon, oras napatay, kag kun ano ka lala ang nabatun sini nga samad.
Sa karun, wala pa sang may natumod nga suspect.
Padayun man ang imbestigasyon sang Calatrava Municipal Police Station, nga nagapatigayon na sang backtracking sa mga nakaligad nga aktibidad sang biktima.
Sila ang nagakoordinar man sa Barangay sa mahimo dugang pa nga impormasyon.
