Gindagdagan sang Bacolod City Legal Office ang 32 ka regular nga empleyado sang General Services Office (GSO) sang Notice to Explain matapos madiskubrehan nga gin-doctoran sang mga ini ang ila nga mga dokumento agud maqualify sa Government Service Insurance System (GSIS) loan.
Sa interview kay Atty. Karol Joseph Chiu, nagpasa sang incident report si Gilda Luisma, department head sang GSO nga naga-alegar nga ang 32 ka mga empleyado ang nag-doctor sang ila nga dokumento kaangay sang payslip agud maka-loan kag ang mga dokumento ang ginpirmahan sang Assistant Department Head sang GSO.
Suno kay Chu indi man malain ang mag-loan bangud kinamatarong man ini sang empleyado apang ang sala lamang ang pagfalsify sang mga dokumento.
Dugang pa sang City Legal Officer nga gindagdagan man sang Notice to Explain ang Human Resource Office kun ano nga safety measures ang ginhimo sang mga ini sa verification sang mga dokyumento nga ginpasa sa ila para sa loan sang mga nasambit nga empleyado.
Sa karun ginahulat sang Bacolod City Legal Office ang sabat sang mga ini.
