32 ka Jail Warden sang Bureau of Jail Management and Penology -Negros Island Region, lunsay nagnegatibo sa surprise drug test

Wala sang may nagpositibo sa ginpatigayon nga surprise drug test sa 32 ka Jail Warden sa Bureau of Jail Management and Penology sa Negros Island Region.

Sa interview sang Bombo Radyo Bacolod kay Jail Senior Inspector Atty Juniven Umadhay, tagpamaba sang BJMP- NIR, isa sa nagapanguna nila nga polisiya amo nga masiguro nga drug free ang personnel sang BJMP kag wala sang bisan sin-o nga involved sa illegal nga druga.

Suno diri, wala sang may nakahibalo nga may yara sang drug test nga patigayonon kag ang resulta nga lunsay negatibo sa paggamit sang illegal nga druga ang mga personnel nagapakita lamang nga sinsiro sila sa pagsunod sa ila polisiya.