32 ka kabataan patay, 50 pilason matapos marumpag ang atop sang eskwelahan sa Pakistan

Patay ang indi magnubo sa 32 ka mga kabataan samtang 50 ang pilason matapos marumpag ang atop sang Al Khair Public School sa ciudad sang Peshawar, sa northern Pakistan.

Ang ginapatihan nga rason sang insidente amo ang wala untat nga pag-inulan.

Ang mga ginbawian sang kabuhi ang naga-edad anum ka tuig tubtob 14-anyos, lakip man sa napatay ang isa ka 25-anyos nga babayi.

May pila man ka mga estudyante ang na-trap sa sulod sang mga debris nga gilayon naman ginrespondehan sang mga residente.

Yara sa kustodiya sang mga otoridad ang tag-iya sang nasambit nga eskwelahan samtang nagapadayon ang imbestigasyon.