Nag-abot na ang 320 ka police personnel halin sa Police Regional Office 6 kag Siquijor Police Provincial Office kahapon samtang maabot man subong nga adlaw ang dugang man nga augmentation halin sa Negros Occidental Police Provincial Office para sa Masskara Festival.
Sa interview sang Bombo Radyo Bacolod kay Police Lt Meller Dionio, spokeperson sang Bacolod City Police Office, kahapon may ginpatigayon nga briefing, accounting kag checking sa second batch sang augmentation nga amo ang 300 ka police personnel halin sa PRO6 kag 20 ka police personnel halin sa SPPO, nga lunsay tanan mabantay sa Lacson Area para sa highlights sang Masskara Festival.
Samtang, maabot naman subong nga adlaw ang 3rd batch sang augmentation nga 191 ka police personnel halin sa NOCPPO kag sila ang ipaidalum man sa briefing, accounting kag checking.
Ang dugang nga mga augamentation ginpatigayon para sa highlights sang selebrasyon sang Masskara Festival.
