Nagdangat sa 325 ka mga indibidwal ang gin-aresto sang mga kapulisan sa London matapos nakigbahin sa isa ka demonstrasyon bilang pagsuporta sa Palestine Action, isa ka grupo nga ginadumilihan sa idalom sang layi kontra terorismo sa United Kingdom.
Natabo ang protesta sa gwa sang United States Embassy sa Nine Elms, kun sa diin nagtililipon ang ginatos ka mga demonstrador nga may dala nga mga plakards nga nagapahayag sang suporta sa Palestine Action kag pagpamatok sa gin-alegar genocide sa Palestine.
Santo sa Metropolitan Police, 320 sa mga gin-aresto ang ginapatihan naglapas sa Terrorism Act bangud sa pagpahayag sang pagsuporta sa isa ka ginadumilihan nga organisasyon.
Bangud sini, naglab-ot na sa masobra 4,000 ang kabug-usan nga numero sang gin-aresto may kaangtanan sa Palestine Action humalin sang gindumilihan ang grupo sang Hulyo 2025.
Samtang, natalana nga pamatian sa UK Supreme Court ang apela batok sa pagbawal sa grupo.
Ginbatikos naman sang pila ka mga human rights organization ang mga pag-aresto kag ginpakigbato ang freedom of expression kag right to protest.
