33 anyos nga lalaki sa banwa sang Manapla, patay matapos maigo sang kilat

Patay ang 33 anyos nga lalaki sa banwa sang Manapla, Negros Occidental matapos maigo sang kilat.

Ang biktima ang ginkilala nga si Jerreco Delorosa Despues, residente sa Hacienda Hambukaw 2, Barangay San Pablo, Manapla.

Sa inisyal nga imbestigasyon sang Manapla Municipal Police Station, ang insidente ang nagluntad sang Lunes, Nobyembre 13 apang ini ang ginreport lamang sang iya nga 60 anyos nga iloy alas 9:43 kahapon sang aga.

Nakaagom naman sang malala nga pagkasunog ang likod sang biktima bangod sa igo sang kilat.

Gindala pa ang biktima sa Cadiz City District Hospital apang ini ang gindeklarar na nga patay.