Bangkay sang isa ka lalaki nasapwan sa baybayon sa Barangay Lipat-on, banwa sang Calatrava, Negros Occidental, kahapon, Pebrero 1.
Ginkilala ang biktima kay Elmer Baretos, 33 anyos, residente sang Barangay Lemery sa nasambit nga banwa.
Sa interview sang Bombo Radyo kay Police Major Ronald Santillan, hepe sang Calatrava Municipal Police Station, gintawgan siya sang Municipal Disaster Risk Reduction Management Office agud nga magpahibalo nga may yara sang nasapwan nga nagautaw-utaw nga bangkay sa dagat sa Purok 3, Barangay Lipat-on nga ginrespondehan man sang imbestigador sang Calatrava Municipal Police Station.
Suno kay Santillan, sa imbestigasyon nga isa ka mangingisda ang nakakita sa bangkay sang biktima kag ginpahigad niya ini kag ginreport ang nakita nga bangkay sa barangay officials.
Suno sa hepe, ginpahayag sang pakaisa sang biktima nga may deperensya ini sa paminsaron kag tatlo na kaadlaw nga wala nagakaon.Sang isa ka adlaw nakita man ang biktima nga may senyales sang depression kag naggwa sa balay nga wala matalupangdan sang iya pamilya.
Nagsalig naman ang pamilya nga nagkadto sa dagat apang kahapon nasapwan nalang ini nga wala sang kabuhi.
Santo sa pagtsekyar sang attending physician, “Asphyxia secondary to incidental drowning ang rason sang kamatayon sang biktima.
Wala man sang reklamo ang pamilya sa natabo diri bangud wala man sang nakita nga foul play.
