Napromote na ang tatlo ka mga commanders sang Army units sa Visayas kasunod sang approval ni President Ferdinand Ferdinand Marcos Jr.,
Tatlo sa 33 ka senior military officers ang assigned sa 3rd Infantry Division sang Philippine Army kun sa diin ang headquarters ang nahamtang sa Camp Macario Peralta sa Jamindan, Capiz.
Sa interview sang Bombo Radyo Bacolod kay Lt. Col. Vicel Jan Garsuta, pinuno sang Division Public Affairs Office, ginkumpirmar sini nga napromote sa ranggo nga major general-two star si 3rd Infantry Division commander Brigadier General Marion Sison samtang sa ranggo naman nga brigadier general amo sanday 301st Infantry Brigade commander Col. Michael Samson sa Panay kag 303rd commander Col. Orlando Edralin sa probinsya sang Negros Occidental.
Suno kay Garsuta, gindesignate naman bilang Assistant Division Commander sang 3rd Infantry Division sang Philippine Army si 302nd Infantry Brigade commander Brig. Gen, Leonardo Peña kag nauna naman ini nga napromote sa ranggo nga brigadier general.
Nagapabilin naman nga commander sang 302nd Infantry Brigade si Brig. Gen. Peña.
Suno kay Garsuta, ang magabulos kay Brigadier General Peña, ang wala pa matumod bangud ang short lists sang magabulos sa iya ang ipaidalom pa sa deliberasyon sang promotions board.
Ang promotion sang mga army officials ang nakadepende sa ila nga mga performance kag ini ang magaagi sa deliberasyon sang promotions board kag approval sang presidente sang pungsod.
Suno sa DPAO head, ginkalipay naman ni AFP Visayas command, commander Major General Benedict Arevalo ang well deserved promotion sang mga army officials ilabi na sa 3rd ID nga nakita man sang tanan ang pagpaninguha sang mga ini sa paghimo sang maayo nga performance.
Sang tinalikdan pa nabaton sang mga army officials ang order para sa ila promotion apang sang Lunes lamang ginpatigayon ang donning of ranks sa Camp General Emilio Aguinaldo, national head quarters sang Philippine Army.
